منتديات الزم حدك لا ابوس خدك

منتدئ عام
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 رواية اه من هم الفراق وعيشة الغربة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 23
تاريخ التسجيل : 06/10/2011

مُساهمةموضوع: رواية اه من هم الفراق وعيشة الغربة   الخميس أكتوبر 06, 2011 8:08 pm

طفوله صعبه وأصول مجهوله..ناس غريبين وأرض غريبه..وأنا نفسي غريبه..!!..الملامح مونفس الملامح..أنكرني أبي ونساااني حتى أنني لم أقابله في حياتي!!ولا أعرف هل أنا بحلم أعيشه...أم أنني هكذا فالواقع!!...
لا أعرف في هذا العالم سوى أمي التي لا تشبهني!..وأهلها الغرباء عني!!...ولدت غريبه بدون أصول!!..وها أنا اليوم في لندن أعيش وحدي بعد أن أكملت الثانويه في بلاد أمي..!! بعد أن تركني والدي ورحل لبلاده.. لم أكن وحيده ولم أمت جوعاً رغم فقر أمي وأهلها..عشت غنيه وأمي كذلك...لم أشكو يوماً من الفقر!!...بل بالعكس كملت تعليمي في مدارس السفاره وكنت اقضي اوقاتي هناك وتعلمت أيضاً لغة بلدي وابتعثت للندن ادرس طب..أتعلمون لماذا؟..لأنني بكل بساطه أحمل الجنسيه السعوديه..كان ما ينقصني شيء.بس...أفتقد أبوي.. كنت افتقده مدري ليش بس..لمن أشوف الناس تناظرني وكأني غريبه ما أشبههم ولا ديني نفس دينهم...على فكره أنا أنولدت عالمسيحيه دين أمي بس الحمدلله أسلمت لمن دخلت
المدرسه وأسلمت أمي معي..تخيلوا لو...سعوديه غير مسلمه!!!...عااالم غريب ....بس هذي مو كل قصتي...لا ..البقيه من قصتي راح تعرفونه..بس خلوكم معاي وأقرأوا تكملة الحكايه..اللي تتخللها حكايااات......
لكن قبل كل شيء ودي أقول شيء....أحبك يالسعوديه لوحتى ماشفتك وما عشت بأرضك حبك بدمي بحنانك زرعتيه ,
البدايه::
الفصل الأول..../
لندن.الساعه7ونص صباحاً....
صوت منبه يرررررن ........اااااااااااا
فزت وقامت تناظر الساعه وأرتاعت...وطلعت تركض وهي تنادي:دالــــــــــــــــياااااااااااااااااااااااا اااااااااا
داليا بهدوءها طلعت لابسه وجاهزه:بسم الله عليك نوري شفيك؟
نوره شافتها أخذت نفس:الحمدلله انتي قمتي علبالي تأخرتي وطافتك المحاضره
داليا أبتسمت لها وهي تلف الشال على رقبتها:مشكوره نوري خلاص روحي كملي نومك...محاضرتك العصر ارتاحي
نوره وفي عيونها النوم :هذا اللي بيصير تششاو
دخلت نوره غرفتها وسكرتها..
داليا بإبتسامه:هذي نوره ماي بيست فرند..ابوها كان في الملحقيه الثقافيه فالسفاره في بلاد ماما..وتعرفت عليها فالمدارس السعوديه هناك...واتفقنا مانفترق أبد استأجرنا هالشقه لنا ومعانا عمتها حصه.عسل وقلبها طيب,قال يعني
بتحمينا ههه......
طلعت حصه من الطبخ وبيدها كوب حليب ساخن:لحظه لحظه لحظه..وقفي يابنت وين رايحه على الله بدون فطور!!!
داليا:ههههه هذي هي جات...صوصي حبيبتي..أنا مستعجله أي هاف تو قو
حصه بإلحاح:ماعلي منك بتاخذينه غصب عنك..
داليا استسلمت لأنا هذي حصه والأجر على الله:اوووكي هاتيه....
حصه بنص عين:ناااس ماتجي إلا بالعين الحمرااا
داليا شربت الحليب وطلعت.....
,
,
المترو...,
واقفه وتناظر بملزمتها لغاية مايجي المترو..ناظرت ساعتها بتأفف:تأخرت والدليل رزان وندى مو موجودين معناته راحوا قبلي
شافت ندى جايه من بعيد متنقبه وأبتسمت:هذي ندو اللي حاطه قناع على وجهها ..ماي فرند ان ماي كلاس..بس واضح انها لحالها! ماشوف مرت اخوها رزان
ندى من وراها حطت يدها على كتف داليا وتتنفس بسرعه:اخيييراً وصلت...هاي دودي
داليا:هاي...هههه وين رزان
ندى:ياشيخه خليني اخذ نفس...رزان ماتقدر تداوم اليوم تعبانه صحت اليوم دايخه وتستفرغ..ووداها فواز المستوصف
داليا تأثرت:الله يشفيها يارب..ذكريني بعد المحاظرات نزورها...
ندى:اوكي بسرعه ادخلي المترو وقف...
,
,
في قاعة المحاضرات..
الدكتور..يمشي ويناظر الطلاب بتمعن.ويكلمهم بالإنجليزي طبعاً.:هذه هي السنه الأخيره كما تعلمون..من يريد أن يصبح طبيباً يجب أن يلتزم بكل ما أقول.....
ندى بتأفف:ياليييييل واللله مايسكت..هذا شكله من صرنا بالإمتياز
داليا نغزتها:أششش
ندى بتهزء:تكفييين يالدافوره
الدكتور لاحظها تتكلم من بدت المحاضره:أنسه ندى الكافور
ندى بلعة ريقها:نعم دكتور جيمس
الدكتور:أريد منك أن تعدي بحثاً عن الأمراض البكتيريه المعديه
ندى:ولكن دكتور ...
الدكتور قاطعها:خلال اسبوع فقط يكون البحث بين يدي...هيا بنا للمستشفى الجامعي..لدينا عمل هناك..
داليا شافت الدكتور طلع وانفجرت ضحك من قلبها:هههه ههههه هه
واحد عربي كان وراها: فديييت هالضحكه أنا
داليا سكتت فجأه وناظرته بقرف وصدت:هذا الكريه سالم طالب إماراتي هذي شغلته!
ندى وداليا طلعوا...
سالم بضحكة مكر:هههه ياناس حد يفهمني هذي ليش ماتعطي احد وجه ؟على شو شايفه عمرها مادري,إذا حلوه في غيرها حلوين بعد
حمدان وهو يناظرها طالعه: في غيرها حلوين بس هي غير يا سالم..
سالم:غير بشو...؟
حمدان:ماتعطي الشباب وجه..مع ان الكل يتودد لها..
سالم:بهذي صدقت بس ولو أجيبها يعني أجيبها
حمدان:هههه نشووف
,
,
داليا:هههه واللله تستاهلين انتي ماتتوبين...كل شهر مسويه بحث هههههه
ندى:كلي تبين بس
داليا مافهمت:إييييش!!
ندى:ههههه ياناس وحده سعوديه ماتعرف وشو التبن؟!!
داليا:ندوش لاتقهريني كلميني بكلام أفهمه
داليا طاحت ملزمتها...ونزلت تلمها من الأرض...
واحد من الطلبه اسمه حميد اماراتي وجنتل..يعني شيييك وادب واخلاااق..نزل وقام يلم معها الورق:عنك ..
داليا استحت وهي تشوفه يلم معها بعفويه:ثانكيو..
حميد بإبتسامه ساحره:معك حميد..اعرفك داليا..أفضل طالبات الطب العرب هنا..
داليا ذابت من ابتسامته:ثانكس..
حميد:عن اذنك..
ندى ناظرت حميد بنص عين وصدت........
داليا ظلت تناظر حميد وتصد..لأنه جالس يناظرها وهو مقفي...
ندى شهقت ووقف فجأه...
داليا خافت:ندوش شفيك؟جاك شلل مؤقت
ندى بققت عيونها:شوفي هذااااك
داليا ناظرت وانكسر خاطرها:الله يشفيه يارب
ندى التفتت بطفاقه:مو هذا المقعد, أنا أقصد اللي واقف بعيد هناك
داليا ناظرته فوق تحت:شفيه؟
ندى ارتفع ضغطها من برودها:هذا سعودي وأسمه سعود من طلبة الدكتوراه والبنات يقولون هذا أخر سمستر له وبعدها بيرجع لأهله فالسعوديه
داليا بحنين:ياااحظه
ندى:مااااالت عليك من بنت تعالي..بس والله ترى ان تأخرنا ليصكني الدكتور جيمس ببحث ثاني
داليا:ههههههههه يله
,
,
,
اللــــــــــــــيل/
البنات كلهم مجتمعين عند رزان وفالينها ضحك ووناسه...
نوره:هههههه فله ياليتني كنت معكم اليوم
ندى:اي والله كان تشوفين الزين كله والكشخه
نوره:من؟!
ندى بحماس:مبتعث سعودي يدرس دكتوراه مهبل بنات الطب
رزان:ههههههههه الله يقطع بليسك يا ندوش فضحتينا والله ان درى اخوك بيرجعك على أول طياره للديره
ندى:ياويييلي صدق
الكل:هههههههه
حصه:إلا يارزان شفيك وانا اختك لابأس ان شاء الله
رزان:ابد فقر دم بعيد عنكم
حصه:يوووه سلااامتك
رزان:ربي يسلمك من الشر.
داليا تثاوب وقامت من كرسيها:قيرلز اي وونت سليب ,بليز اعذرووني وراي دوام فالمستشفى بكره
حصه:يله كلنا بنوم قومي يانوره
نوره:يله أنا عندي شغل فالسفاره بكره بعد
داليا:ليش؟
نوره: بجدد الباسبورت
داليا:لا لاتروحين بكره خليها لبعد بكره حتى أنا ابي اجدد باسبورتي
نوره:اوكيه بعد بكره مو مشكله
حصه:يله ياجماعه تصبحون على خير..
رزان وندى:وانتم من هله...
...
,
,
,
اليوم التالي.../
كان اليوم تعب والمستشفى مزحوم كثير...في الساعه الخامسه مساءاً أنتهى الشفت حقي وكنت دايخه من كثرالشغل..راسي كان يألمني ..تذكرت أني ما شربت قهوه اليوم وقررت أمر أقرب كوفي شوب وأشرب فنجان على روقان..
آخر الشارع اللي كنت أمشي فيه شارع آدجول..ماادري شجابني هنا.كذا بطول شكلي بوقف تاكسي..التفتت وكان في كوفي شوب"نايتس بريتج"..دخلته وكنت أول مره أدخل هالمكان..ماكان مزحزم كالعاده..يدخلونه السياح واكثرهم عرب..أنا ما اجيه لأني بكل بساطه..مو بطريقي ولا بمنطقتي...ثانياً أنا ما أحب هالسياح..
دخلت وكنت لابسه بنطلون جينز قصير ضيق للركبه وكنزة ثقيله علشان البرد,أنا كذا تعودت..دخلت وكانت نظرات الموجودين غريبه...!!! حسيت نفسي وكأني نازله من كوكب ثاني.!!
المهم جلست وحركت شعري بيدي وفصخت جاكيتي وريحت...
النادل:كيف لي ان اخدمك؟
داليا:كوب قهوه لوسمحت؟
النادل:حسناً تودين شيئاً أخر
داليا:لا شكراً
راح النادل...
لاحظت شاب فالطاوله المقابله جالس يبتسم بعفويه...ورديت هالإبتسامه بعفويه...صدقوني طلعت تلقائيه....!
دالياSadأنا وين شفت هالشخص..؟؟....أهاااا سعووود تبع الدكتوراه اللي تقول عنه ندى هههه لو تدري اني قابلته هنا بتموت قهر هههه)
النادل:القهوه انستي
داليا:ثاتكس
,
سعود كان بين يديه أوراق محتاجه دراسه بس...هالبنت أشغلته...جلس يناظرها بين الفتره والثانيه...
خالد صديقه:سعود وين سرحت
سعود ساكت ماسمعه..
خالد لاحظ سرحانه في البنت:افااا يا سعود ماني خابرك راعي بنات
سعود ابتسم وناظره بسكااات...
خالد عرف وش بلاه:كل البنات كذا..ساحرات
سعود رجع يناظر أوراقه وهو مو مركز...مايحب يتكلم عن هالأشياء..
خالد يبي ينرفزه:اقول كمل دراستك اللحين ..ترى عندنا شغل لليل
سعود ناظره بنص عين:أقول ماتلاحظ أنك تهذر ومحد عطاك وجه....
خالد يسوي نفسه ماسمعه قعد يناظر في داليا:تهقى وش جنسيتها..أنا أتوقع على هالملامح يا لاتينيه ياغجريه..مادري
سعود تكلم بعفويه وهو يناظرها:غجريه شعرها سايح كذا!!..تستهبل أنت...
خالد ناظر فيه وأبتسم بخبث:صدتك هههه
سعود رجع يسكت بعد ماطاح فالفخ...
,
داليا رن جوالها طلعته وردت:هيلوو..هاي النوري..لا حبيبتي أنا فالكافي..كلها نص ساعه واكون عندك..باي
داليا تذكرت أنها تكلمت عربي..قدام الناس لأنهم لاحظوها ماكانت تبي احد يعرفها من العرب وخاصتاً في سعوديين جالسين..قرررت تقوم...
,
خالد وسعود فاتحين افوامهم.. ومذهولين..!! وساكتين...
خالد:صااااروووخ طلعت سعوديه..
سعود نغزه يسكت:
خالد:ياخبل روح وتعرف فرصه...
سعود برزانه: انهبلت انت ماعاد إلا هي اتعرف على هالأشكال
خالد ينرفزه:لبى والله خشتها..أن ما طيحتها ماكون خالد ولد أبوي
سعود ناظره بحده وسكت يراقبها......
,
داليا قامت ولبست كنزتها ولفت شالها..وحاسبت بتطلع..
.....قرسون شكله أسيوي وكأنه عرفها راح يناديها:مـاااري..أنتظري لحظه ارجوووكي
داليا وهي مقفيه حست أنها تعرف هالصوت,ألتفتت ببطئ,وشقت الأبتسامه:توووني..لا أصدق
توني راح وسلم عليها بحراره وضمها:دالـيـــاااا اشتقت لكي
داليا:وأنا كذلك توني تعال لنخرج من هنا...ونكمل حديثنا..متى أتيت....
طلعت معاه لبرا.................
,
خالد بإبتسامه خبث:سعوديه بس من ربع بنات لندن..
سعود سكت وقرر يكمل مذاكرته:
خالد ميل فمه:عاااد قرسون فلبيني..والله حاله نفسي أعرف كم دفع لها...
سعود انخنق وقام يلم اوراقه وطلع لان خالد نكد عليه...
خالد قام يلحقه:بوعزوووز لحظه يبه..
طلعوا...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://chamakh.own0.com
 
رواية اه من هم الفراق وعيشة الغربة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الزم حدك لا ابوس خدك :: قسم الفن و الفنانين :: اخبار الفن :: منتدئ القصص و الروايات-
انتقل الى: